Feles, Vulpes, et Lupus

Feles et vulpes confabulantes ambulant.  De vita, de moribus multa differunt; quid pium, quid impium; quid turpe, quid honestum...  subtilius Socrate ipso disputant. 

Interim lupum observant ovem miseram edentem.

Feles clamat, "O scelus atrox! O nefas dirum!"

Et vulpes quoque clamat, "O raptorem nefarium! O lupum scelestum!"

Sic philosophantes, feles et vulpes villae propinquant. 

In agro proximo gallinam cum pullis observant. 

Vulpes, philosophiam omnem obliviscens, gallinam capit.

Feles, vulpis facinus imitans, pullum pinguem rapit. 

Philosophi in locum commodum secedunt et famem explent.

Fabula docet:

Multi homines honesti scelestos damnant, sed, si occasio eis data est, quodlibet scelus et honesti faciunt.

---

Inspired by: Mille Fabulae et Una.
Notes: This story is Fable 392. Feles, Vulpes, et Lupus, from the poet Desbillons (not in Perry). I have simplified the story, making it easier to read. For an English version (not a translation), see: Cat and Fox, Philosophers.

illustration by Billinghurst