Vermis in sterquilinio habitat.
Die quodam de sterquilinio emergit, et proclamat, "Bestiae omnes, audite! Nuntium ad aures vestras fero. Ego, vermis, medicus sum! Apollo medicus est, sed ego superior. Apollo deorum medicus est; ego, vermis divinus, totius mundi medicus sum. Arte medica inter omnes excello. Pharmacorum expers sum, et herbarum. Ad me advenite omnes qui aegrotatis."
Bestiae admirantes dicunt, "Quam pulchre loquitur! Artis medicae expers, et Apolline superior!"
Sed vulpes vermem non laudat.
Vulpes ridet.
"Quid dicis, vermicule? Oculis magis quam auribus credo. Rugosus es, et deformis. Nutas ridicule, capite quassante. Cura te ipsum, medice! Factis opus est, non verbis."
Inspired by: Mille Fabulae et Una.
Notes: This story is Fable 57. Vulpes et Vermiculus, from Camerarius. I have simplified the story, making it easier to read. For an English version (not a translation), see: The Fox and the Worm.
No comments:
Post a Comment