Leo, rex bestiarum, senex est. Venari non potest, quod vires desunt. Esuriens, in spelunca recubat.
Alta voce ad bestias clamat, "O bestiae, audite omnes: aeger sum! Solus in spelunca mea recubo. Quare me non visitatis? Ad me advenite, bestiae omnes! Ego, rex bestiarum, vos advoco!"
Leo aeger non est, sed simulat.
Bestiae multae regem visitant, et leo illas protinus devorat!
Etiam vulpes regem visitat, sed vulpes aliis bestiis cautior est. Ante speluncam procul stat, et dicit, "Rex regum, te saluto!"
Leo interrogat, "Et ego te, vulpes! Cur in speluncam non intras?"
Vulpes respondet, "Quod vestigia intrantium multa video, exeuntium nulla."
Inspired by: Mille Fabulae et Una.
Notes: This story is Fable 25: Leo Senex et Vulpes, from Gildersleeve. I have simplified the story, making it easier to read. For an English version (not a translation), see: The Fox Visits the Lion.
No comments:
Post a Comment